صفحة المواقف المحرجة

وسهلا بكم في صفحة المواقف المحرجة .. لا شك بان كل واحد منا حصل له مواقف محرجة في حياته فمن خلال هذه الصفحة تستطيع نشر اي موقف قد حصل لك وانا ابدا الاول

واقولكم هذي المواقف واولها

******************************************************************

الموقف الاول

هو اني كنت مرة بزيارة لاحد اصحابي بقريته.. المهم كنت معزوم على عشااء وانا عندهم جيت بدري عشاني الضيف انا.. بالمغرب المهم اذن صلاة العشاء ورحنا للمسجد وكان بجنب المسجد ذا مسجد كبير وفخم وميكرفووناته اقوى من اللي انا قاعد اصلي فيه المهم اقامت الصلاة وصلينا الركعه الاولى والثانية ووصلنا الثالثة طبعا الحين الركعه تكون سرية ......بالثالثة
وكان المسجد اللي بجنبنا واصل الركعه الثانية وكان صوته قوي وصوت الامام حلو وجميل ماشاء الله عليه وسرحت مع الامام الثاني مرررررة ورحت معه
المهم كان يقرا سورة الفاتحة ووصل ولظاااااليييييين
وبدون مبالاة والا شعووووووور وفجاة
وانا لحالي بالمسجد الصغير قلت بصوت عالي آآآآآآآآآآآآآآآآمين وشوي واسكت فجاة الا والناس اللي حولي استغربوا ومنهم من ضحك واللي يكحكح لانهم عارفين الوضع وانا توي اصلي بالمسجد ذا ..... والله مدري كيف عدت الصلاة ذيك اليوم ويوم سلم الامام بالنهاية وانا اللي القط وجهي واطلع برا المسجد وزميلي اللي جاي عنده انا قالي فضحتنا وين كنت مسرح انت ؟؟؟؟؟؟!!!!!!!!!لوووووووووول
الموقف الثاني
فيه دكتور مااحبه ولااحب شرحه لانه مب فاهم شي اصلا يدور حول فكرة وحدة طول المحاظرة وعلى باله فاااااااهم والدكتوراه كيف حصل عليها مدري ؟؟؟؟
المهم كانت المحاظرة مملة شوي قلت وش اضيع وقتي فيه وافكر اممممممم اممممممممممم قلت جبتها؟؟؟؟؟ خلني اتسلى بلعبة الثعبان اللي بجوال النوكيا الين تخلص المحاظرة ويضف وجهه هالدكتور اللي غاثني من اول التيرم ؟&؟؟؟؟
المهم طلعت الجوال ودايركت على لعبة الثعبان والعب والعب .... والعب واطول باللعبة وصار الثعبان طويل بالمرة في الشاشة بالجوال وتنّشد اعصابي مع الثعبان وهاللعبة وانسى المحاااظرة باللي فيها واذا قربت اطيح بالثعبان ؟؟؟؟؟... اتحرك على الكرسي بشكل مفاجي وبسرعة حتى الطلاب اللي جنبي شكوا فيني ؟؟؟؟
المهم وصل الثعبان حده وادخل بالغلط واطيح بالثعبان وبلا شعووووور انفض الكرسي والكرسي اللي قدامي برجولي ..... واقول بصوت عالي لااااااااااا لاااااااااااااااااااااااالاااااااااااااااااا
حراااااااااااااااااااااام والله حرااااااااااااااااااااااااام الا والانظار بالقاعة تلتفت حولي والا انا غرقت بهدومي وشوي يطالع فيني الدكتور وقال بشفقة الحمدلله الذي عافانا مما ابتلى به غيرنا على باله اني مجنون ؟؟
الا والشباب يقومون ويضحكون
ويوم درا اني قاعد العب بالجوال بالمحاظرة

استدعاني الدكتور وكان يبي يحرمني من الماااادة الا بالعافية سامحني واستغرب الموقف ذا مني ؟؟؟
الموقف الثالث

مرة من المريرات كنت اكل لوز عليه ملح كثير ..... شي طعمه ياما حطيت فهاللوز انا الزبون الوحيد له في السعودية ( بالعافية علي ) المهم كنت رايح للمسجد ولا دريت.... وقاعد اكل في هاللوز اللي سوا لي مشكلة بالمسجد وكنت حاطه بالجيب حق الثوب اللي قدام مشتري من البقالة بثلاثة ريال ومعبي الجيب اللي قدام فل... يعني ملياااان واكلت منه شوي ورحت للمسجد على بالي بكمله بعد الصلاة .. المهم احاول الحق الصلاة وامشي 220 طبلون كامري الفين وثنين بخاخات من قدام ومن ورا لووووووووول في المسجد قبل لا يسلم الامام المهم يالله بالعااااافية لحقت التشهد قبل لا يسلم المهم نسيت اللوووز في جيبي اللي قداموثم قمت للركعه الاولى اكمل اللي باقيلي من الصلاة والمهم الناس تطالعني لاني كنت مسوي زلزال يوم كنت اعدي ويطالعووووني المهم وصلت بالسجدة الاولى..... وش اللي صااااار ؟؟؟؟؟؟

نزلت كل اللي بجيبي يوم سجدت يعني اللوز طاح على فراش المسجد وانا ساااجد والكل يطالع وكان رد لوووووز على كيفك وكانه رد خرسان من ينبع لان خرسان ينبع يجي الحبة الوحدة كبر البيضة من كبر الخرسانة الوحدة اللوز يشبه شوي ؟؟؟؟طططااااااااط بيبييييبيب...... وش تتوقعوووون الحل

بكل بسااااطة قعدت بالسجدة ذيك كانت اطول سجدة بحياتي القط في اللوز يمين ويسار وكان في واحد على يميني طفل صغير رميت نص اللوز عليه وبرحت مكاني لين مابقى شي وقمت وخلصت صلاتي بسرررررعه لاني احتريت ووصلت درجة الحرارة 40 درجة
تحياتي لكم ابو فيصل speshal_nf@hotmail.com

**************************************************************************

السلام عليكم من احد المواقف اللي صارت لي كنت مرة العب كورة وكنت انا الحكم للمباراة وكنت حاط الصفارة

في فمي عشان اصفر عند الخطاء ... المهم في نصف المبارة ومع اللعب حصل خطا من احد اللعيبة

ومن قوة حماسي شهقت وطارت الصفارة في حلقي ويالله طلعت بالقورة وكملنا المباراة لكن من الحماس بعد المرة هذي طارت الصفارة في حلقي وصار موقعها حرج وقفت بين البلعوم والمرئ يعني بوسط الحلق وكل ما تنفست صرت اصفر واذا اتكلم اصفر وصفر وجهي بعد لانه ضاق نفسي بالمرة وصرت بس اصفر والله لايوريكم وعلى المستشفى واذا سالوني اشر على فمي واصفر ومايدرون وش اللي صاير لووووووووووووول المهم اخذت ليلة كاملة وانا بدل مااتنفس اصفر والحمدلله جرت العملية بسلام ونجحت وطلعوا الصفاارة وكان موقف محرج بالنسبة لي

تحياتي لكم اسير العيون mjoo22@hotmail.com

**************************************************************************

موقف محرج حصل على الخط السريع

ودي ارسم الابتسامة على محياكم ...

يقولك كان فيه ثلاثة من الشباب مسافرين على احد الخطوط وكان
الخط زحمة بشكل غير طبيعي واغلبه من الشاحنات... المهم الشباب
وقفوا يصلون وخلوا واحد منهم يصير امام ولما انتهت الصلاة الامام
شاف الارض حلوة وكلها رملة وبعد ماسلم تشقلب على قدام على
شان يشوف اخوياه وكانت المفاجئة إن وراه صفين من المصلين
ماسمعهم لما وقفوا وراه من ازعاج الشاحنات ... طبعا اخوياه
تبطحوا من الضحك وبعض المصلين اعاد صلاته لانه شك بعقله
وهو طبعا طااااااح وجهه ...



تحياتي لكم المااازن ffrooq44@hotmail.com

**************************************************************************


سلام عليكم
هذا موقف محررج حصل باستيديو التصوير
السالفة ومافيها انه كان مطلوب علينا على ايام التسجيل في الجامعة صورة شخصية اربعة في ستة عشان يجمدونها بملفي الاكاديمي .... المهم رحت ابي اتصور بالاستديو.. الصور اللي يبونها ولما وصلت الاستديو.....؟
طبعا هذا الموقف يتزامن مع السماح للسيارات السعودية الخصوصية بالتظليل الكامل يعني ( مغيمة )....اااسود
المهم مااطول عليكم جيت لستيديو التصوير وحصلته زحمة ... اقصد زحمة بالمراية اللي يشخصوون عليها الناس.... كل واحد يشخص بالشماغ زين... عشان يتصور ولكن الاستديو كان زحمة
المهمممم....... طلعت ووقفت على الباب حق الاستيديوعشان تخف الزحمة وادخل اتصور... واناظر ... الا وذاك السيارة النظيفة وقزازها يلق ويلمع من النظافه وكانت مضللة بالكامل وقلت خل اشخص وااضبط شخصيتي على قزاز هالسيارة ....عشان اذا جاء دوري اتصور واطلع على طوول ولا اتاخر
المهم
وانزل الين وصلت السيارة وقمت اشخص وتميلح قدام..... القزاز... واقدم وجهي جنب القزاز وارجع ثم اقدم وابتسم بسوي شخصية ..... المهم مرت دقيقتين وانا قاعد اتميلح قدام القزاز
وشوي الا وقزاز السيارة قام ينزل شوي شوي ...؟؟؟
واطالع.. واناظر.. اكذب... اصدق... الا والله ذاك الرجال واهله معه كمان .... وخدامتهم راكبة ورا ..... انا ماغاثني وقاهرني الا هالخدامة اللي بغت تشقق من الظحك اه يالقهر ..... وكان الرجال كبير في سنه شوي
ثم قال تصدق انك شخصية
*************

طبعا انا مااقدر اوصف ردة فعلي لاني مدري وش سويت اصلا كل اللي اذكره اني تلطمت بالشماغ وعلى سيارتي طبعا الاستديو هذا ماتصورت فيه ولا راح اتصور فيه... ورحت ادور استيدو غيره...

تحياتي لكم

**************************************************

الله يعطيج العافية اختي على الموضوع الروعة